back story

أي انسان بتتعامل معاهو عنده back story ..

“قصة قديمة” .. هي السبب ورا أي حاجة بعلملها

هسه .. عايش حياته اللي انت شايفها حالياً بناءً

علي تراكمات سابقة .. انت م عارفها .. النظارة بتاعته

اللي بشوف بيها الحياة مختلفة عن نظارتك ..

مثلاً ..

حتشوف انسان مقلق جداً علي شغله ..

انت مستغرب ليه ده كلو ؟! ..

بس هو ممكن يكون جرب ألم انه يفقد

شغله قبل كده .. و ما عندو استعداد يعيش

الألم ده تاني .. فمقلق زيادة ..

من الاخر ..

رحلة الحياة م ساهله علي انسان ابداً ..

الكل عاش لحظات ضعف و الم و شك

و ندم .. والحاجه دي عملت كتالوج مُنفصل

لكل شخص .. بتصرف حالياً علي اساسه ..

يمكن اللحظات دي هي السبب في انه أصبح

شخص ناضج في جوانب تانية كتيره..

وزادت وعيه .. علمته كتير .. بس برضو مخليه

جواهو جرح .. عشان كده بغض النظر عن تصرف

أي شخص انت مستغربه تأكد ان ليه اسباب ..

م مبررات للغلط.. بس إعتبرها “أعذار ” ..

اعطي للناس جزء من العُذر م عشانهم ..

لأ ..

عشان تقدر انت تتعامل معاهم ..