هالة يوسف صاحبه اعمال هلا للمنتجات الطبيه التجميليه
ارتباطي بهذا المجال هوحالة عشق له دخولي للعمل في البداية كان حبا في المنتجات وليس لٱجل البزنس كنت ٱبحث دائما علي المنتجات الاصليه والنادره تسائلت ذات مرة مالذي يمنع ان اعمل بهذا المجال وٱقوم بتوفير مايلزم للناس ولنفسي منتج بجوده عاليه وهنا كانت بدايه انشاء الاعمال وبدايه لبزنس ٱعتبره إستطاع ٱن يحقق ناجحات وبسعر معقول مقارنه بالسوق الموازي وتواصل في حكايتها قائلة
ٱنا شغاله من 5 سنه في مجال التجميل ومنتجات التجميل الآمنه للبشره والشعر وكل ادوات التجميل التي تخص المراه بمنتجات عالميه ومحليه بجوده عاليه ومنتجات مختلفه وادوات تجميل بنستورده من كل دول العالم.
وتضيف نحن في هلا بنحل كل مشاكل البشره والشعر وبنديك حل جزري لكل المشاكل ومعاناه البشره حتي الامراض الجلديه كان في دكاتره منضمين لهلا لعلاج كل المشاكل الجلديه مع وجود تركيبات علاجيه وعن شكل التسويق قالت ٱن العمل كان اون لاين مخازن وتوصيل اعمال هلا للمنتجات الطبيه التجميليه الاسم التجاري اثبت نفسو في مجال المنتجات الطبيه الامنه والنادره في السودان من خلال استيراد منتجات بجوده عاليه جدا المخازن حقتنا تحتوي علي اكتر من 3000صنف منتج مختلف من منتجات البشره والشعر وادوات التجميل كنت اركز دائما انو اجيب منتجات اصليه بجوده عاليه وكان بتعامل مع تجار وموردين من داخل السودان في بعض المنتجات الحمدلله بمتلك قاعده كبيره من العملاء وكسبنا مصداقيه كل شخص اتعامل معانا والطلبات كانت كتيره جدا وكنا وكلاء بيع لعديد من الشركات منها شركه
زولا فارما/ دكتور احمد الطيب
درماكيور/ دكتور احمد اسماعيل
وبي كوين فارما/ دكتور علاء الدين الدودو
وشركه الشهباء /علي راسها عثمان بلحه
وبشكر جدا اصحاب الشركات دي علي وقفتهم معاي وثقتهم فيني وبشكر جدا التجار الكانو بدايه نجاح لهلا جمال احمد كان داعم حقيقي لهلا
وبشكر كل زول انا اتعاملت معاه في يوم عملت شركه توصيل خاصه بمنتجاتي توصيل سريع واتعاقدت مع عده شركات ناس تجميل وسايبر والحمدلله كنا الافضل في كل شي من حيث جوده المنتجات والتوصيل السريع وعندنا فروع ومناديب في عده ولايات في السودان الفرع الرئيسي شندي وعطبره
بقيت الولايات زي مدني والشماليه ودنقلا وكسلا وبورتسودان
كنا بنشحن ليهم عن طريق مكاتب الشحن الآن اتجاوزته الصدمه بعد ٣ شهور من الحرب طوالي بديت شغل من تاني والبدايات كانت صعبه بس دعم ربنا لينا وثقتنا فيه هونت كل شي ولاننسي بعد الله دعم اسرتي الصغيره والكبيره وصحباتي الحمدلله اتخطيت كل شي كان شيئا لم يكن ودي البدايه الجديده نحو حياه افضل بإذن الله وعن صدمة الحرب تقول والله طبعا الصدمه كانت قويه انو نخسر حصاد سنين طويله من الجد والاجتهاد الحمدلله بس البهون علينا انو كل شي للبني ادم مقدر ليه ولخير واملنا في ربنا كبير والمال بتعوض طالما ساعين ومجتهدين حانصل لكل شي بنتمناه الان انا الحمدلله شغاله من داخل السودان كل ولايات السودان بصل ليه وخارج السودان مصر الامارات السعوديه صاح مابمنتجات زي الاول بس الحمدلله شغالين وبشكر ايضا الاستاذ حافظ محمد عبدالله
وقف معاي كتيير وقفات لاتنسي داعم حقيقي لهلا وان شاء الله ربنا يديه العافيه يارب ويوفقو في حياتو وبعزيمتنا واجتهادنا وثقتنا في الله نرجع احسن من اول بإذن الله قريبا
هدفنا المنتجات التجميليه سوا بشره اوشعر او ادوات تجميل تكون في مكان واحد ، هدفنا هو توفر كل المنتجات بضغطه زر
من ابلكيشن هلا لنحو تطور افضل في عالم التسويق الالكتروني لكي نلبي كل احتياجات المراه ونواكب كل منتجات التجميل الحديثه والجديده في سوق العمل قبل الحرب لم افكر في اني كيف اكون عالميه بس بعد الحرب قلت ليه مااكون رابطه منتجي بكل دول العالم وحاليا انا في السودان الوحيده البستورد كريم الفيتاقلو الاصلي وبعد الحرب عملت الالاف التجارب الناجحه المبادرات القدمته من بدايه الحرب للان الدعم النفسي ومساعده الناس في البحث عن ايجارات ادويه اطباء فرص عمل عن طريق الاستيتس وتحفيز الناس علي العمل وعملت منصه اعلانيه مجانيه اساعد الناس يقدرو يصلو لاكبر عدد ممكن ومنصه اخري تعليميه شامله كل شي يساعد البنات يقدرو ينتجو ويساعدو نفسهم في ظل الظروف الصعبه البتمر بيه الناس حاليا ومنصه ثالثه لتعليم الناس كيفيه التسويق Marketing ودي كله خدمات مجانيه غير الاعلان عن طريق الاستيتس نسبه المشاهده عاليه جدا خدمتهم كتيير
في الاعلانات وانا بحب ادعم اي شخص في الفتره دي عشان نساند بعض ونرجع كلنا اقوي بإذن الله وفي الختام هذا الحوار ان شاء اكون خفيفه الظل عليكم انا بشكر جدا الاستاذ علي ابوعركي لتسليط الضوء علي المشاريع البسيطه داعما من الدرجه الاولي ونسال الله لنا وله التوفيق وربنا يديك العافيه يارب ونتمني توقف الحروب ويرجع السودان افضل من الاول واكيد بدعمنا لبعض حاننهض نحو القمه بإذن الله ونسال الله ان ينصر الجيش السوداني والرحمه والمغفره لكل شهداء معركه العزه والكرامه ونسال الله ان يوحد صفوفنا بعيدا عن العنصريه من اجل سودان موحد يسع الجميع.
